PICPA mipukan sa IBP-B

CEBU, Philippines - Yano kaayong gipilde sa Philippine Institute of Certified Public Accountants (PICPA) sa pagpangulo sa ilang team captain Yoly Meso ang Integrated Bar of the Philippines (IBP-B) ni Allan Geotina, 89-72 sa nagpadayong Wednesday Club didto sa Capitol Parish gym sa dalan Escario, ning dakbayan.

Ang maong kadaugan maoy ikalima sa PICPA sulod sa walo ka duwa.

Human sa ilang 25-12 nga labaw sa first quarter, mikompiyansa sa makadiyot ang PICPA ug gihatagan nila'g higayon nga mobawos ang IBP-B kinsa misukli og 27-15 nga rally sa pagpangulo nilang Geotina ug Ruel Jaban aron apason ang 13 puntos nga biya, 39-40   sa halftime.

Silang Arjam Bonsucan ug Lito Ortiz mipabuhagay og mga puntos sa third period aron inaton og balik ang labaw, 67-56.

 Padayong gikontrolar sa PICPA ang duwa sa fourth period pinaagi sa mga krusyal nga tirada ni Edlin Edrina kansang mga puntos maoy nakasalbar sa koponan.

 Silang Edrina ug Valenzuela

nagkumboya og 31 puntos aron pangulohan ang PICPA.

Sa laing bahin, silang Juban ug Kirby Raboy miposa og 17 ug 11 puntos alang sa IBP-B nga nagbitbit karon og 3-10 nga baraha.

PUNTOS MATAG USA

PICPA (89) - Endrina 16, Valenzuela 15, Flores 12, Bonsucan 12, Ortiz 10, Pañares 7, Meso 6, Talaroc 5, Credo 4, Pascua 2

IBP-B (72) - Juban 17, Raboy 11, Geotina 8, Macion 6, Baguio 6, Liston 6, Velez 6, Capahi 6, Ungab 4, Lagahit 2 (BANAT SPORTS)