CEBU, Philippines - Sukmag-patid ang masaksihan sa Colt 45 Universal Reality Combat Championship(URCC) Cebu 7 karong gabii didto sa Cebu International Convention Center (CICC) sa Mandaue City.
Matud pa ni URCC founder ug promoter Alvin Aguilar nga kini ang labing dakung fight card nga ilang ipahigayon dinhi sa Sugbu tungod usab sa presensiya sa Asian Games ug SEA Games Wushu gold medalist ug undefeated Mixed Martial Arts (MMA) fighter Eduard 'Landslide' Folayang.
"We made sure that we open 2012 with a bang that’s why we decided to bring Folayang here for the Cebuano fans," matud pa ni Folayang atol sa press conference kagahapon didto sa Veranda sa Parkmall.
Si Folayang mosuway og hipos sa ikaunom niyang sunod-sunod nga daog batok ni Brazilian Muay Thai specialist Wadson 'Knockout' Teixeira.
"Everything happens in a fight, lets see nalang sa fight night, gagawin ko lahat nang makakaya ko," sumala pa ni Folayang.
Gawas sa Folayang-Teixeira showdown, angay sab tutokan ang duha ka elite Cebuano MMA fighters nga sila si Carry Bullos sa Sel-Def MMA ug Geronimo Etac sa Yaw-Yan ArDigma nga pulos nagtinguhang mosakmit og URCC title batok sa tagsa-tagsa nilang kaatbang.
Si Bullos moharong ni bantamweight titlist Rex De Lara, samtang si Etac makigtigi ni pinweight king Victor Torre.
Laing Yaw-Yan ArDigma fighters nga mopakita og aksiyon naglakip nilang Roel Rosauro batok ni Arnel Ylanan sa Bullet Muay Thai ug Renan Noblefranca ni Jonathan Sumogat sa Davao.
Mokompleto sa fight card mao ang sangka nila ni Jimmy Yabo batok Urtych Alarin, Alcer Lozada batok Richie Redman ug si Alde Soza batok Samuel Estandarti. (BANAT SPORTS)