CEBU, Philippines - Human sa iyang malamposong negosyo sukad mobiya sa MBA, ang kanhi superstar nga si Jamal Mashburn gustong mopalit sa kanhi niyang team, ang New Orleans Hornets.
Daw dili kini katuohan ilabi na kay 60 porsiyento sa mga kanhi NBA superstar gikatahong nabangkaruta na inig-abot sa lima ka tuig nilang pagretiro apan lahi kining sugilanon nga gipaambit ni Mashburn kinsa malamposon sa iyang negosyo diin mokita siya'g kapin sa $75 million sa wala pa maputol ang iyang career tungod sa grabeng piang sa tuhod.
Matud pa nga si Mashburn karon aduna nay 37 ka sanga sa iyang 37 Papa John's pizza restaurants, 30 ka Outback Steakhouses, duha ka car dealerships ug usa ka real estate company didto sa iyang natawhan sa Kentucky.
Kanhi player sa Kentucky Wildcats si Mashburn ubos ni kanhi coach Rick Pitino (coach karon sa Louisville) nga maoy iyang partner sa Ol Memorial Stable nga maoy nanag-iya sa Kentucky Derby prospect Buffalo Man ug ingon man usab ang Outback Steakhouse co-founder ug Kentucky graduate nga si Chris T. Sullivan.
"For me, being in business is always something I wanted to do. When I was a kid riding on trains in New York, I saw older people carrying a briefcase. I was always curious what was in them. That's probably my original inspiration," matod pa ni Mashburn sa usa ka pamantalaan nga China Daily.
Dugang batbat ni Mashburn "I had talent as a basketball player, so I used it as a vehicle to open doors and meet people. I am not a guy who wants to be a one-night wonder. I want to continue my legacy as a businessman. It gives people a chance to see me as more than just a former pro athlete." - NBA.com