Sa Lapu-Lapu City

Sunday club buksan ugma

CEBU, Philippines - Buksan na ugmang adlawa ang laing edisyon sa Camella Homes Phase Sunday Club basketball tournament sa alas-7 sa buntag didto sa Villas Magallanes gym sa Lapu-Lapu City.

Ang torneyo gibahin sa duha ka kategoriya, ang Inter-color ug Inter-commercial.

Duha ka teams ang magtigi sa Inter-color, White ug Yellow, samtang tulo sa Inter-company nga mao ang Ryle Trucking, Sutike Yama Resto Bar ug Rollway Customs Brokerage. (YRA)

ABA drafting

Ang Abuno Basketball Association (ABA) mopahigayon sa tinuig nilang drafting ugma sa alas-7 sa gabii didto sa Abuno gym sa Brgy. Pajac, Lapu-Lapu City.

Giawhag ni organizer Dominic Amistad ang tanang miyembro sa ABA pagtambong sa maong kalihukan. (YRA)

Lapu-Lapu Cebu basketball league ugma sab buksan

Buksan sab ugma ang Lapu-Lapu Cebu Basketball League 2012 sa alas-6 sa gabii didto gihapon sa Villas Magallanes gym.

Ang chairmen mao sila si Orlando Aruta, Jim Cano ug Virgilio Ignacio. (YRA)