PICPA nakaipsot sa IBP-A

CEBU, Philippines - Gipakuratan sa Philippines Institute of Certified Public Accountants (PICPA) ni skipper Yoly Meso ang Integrated Bar of the Philippines (IBP) Team-A   pinaagi sa pag-iskor og 75-71 nga kadaugan niadtong Miyerkules sa nagpadayong Wednesday Club basketball tournament didto sa Capitol Parish gym sa dalan Escario, ning dakbayan.

Ang PICPA nilabaw og nuybe puntos sa first period, 22-13 luyo sa mga paningkamot nilang Lito Ortiz, Jacon Bonsucan ug Andre Tocao. Apan nakan-an ang maong labaw ngadto na lang sa tres puntos sa halftime, 36-33 dihang mi-rally ang IBP-A sa pagtimon nilang Ferdie Riveral ug Giovanni Sususco.

Si Melvin Pañares mitusak og pito ka sunod-sunod nga puntos    aron hatagan ang PICPA og tres puntos nga labaw, 55-52 paingon sa final period. 

 Mi-rally pag-usab ang IBP-A sa katapusang 2:47 sa fourth period human sa krusyal nga three-pointer ni Sususco aron sakmiton ang labaw sa labing unang higayon, 48-46, apan daling misukli og opensiba ang PICPA ni coach Norwin Honoridez uban ang hugot nga depensa ilabi na usab nga nagmangtas ang ilang pointguard nga si Edlin Endrina.

Bisan pa sa ilang kapildihan, ang IBP-A naglabaw gihapon sa standing nga adunay 4-2 nga baraha, samtang ang PICPA nagbitbit og 3-3 nga baraha.

Si Endrina mihakot og 15 puntos aron pangulohan ang PICPA, samtang si Tocao midugang og 14 puntos ug si Ortiz miabuno og 11 puntos.

Ang IBP-A gipangulohan ni Milky Villamor, kinsa miposa og 14 puntos, gisundan ni Ferdie Riveral nga adunay 13 puntos.

PUNTOS MATAG USA

PICPA (75) - Endrina 15, Tocao 14, Ortiz 11, J. Bonsucan 9, Flores 8, Alejandre 7, Pañares 7, An. Yu 4

IBP-A (71) - Villamor 14, Riveral 13, Sususco 12, Narido 6, Busi 6, Caye 5, Molde 4, Acebedo 4, Tabotabo 4, Del Prado 3  (BANAT SPORTS)