Adgers Sportswear mipilde sa UV Selection

CEBU, Philippines - Gipakgang sa Adgers Sportswear ni skipper Jonher Espina ang UV-Mandaue Selection, 97-86 atol sa ilang "exhibition game" sa miaging adlaw didto sa sitio San Jose open court sa barangay Maguikay, Mandaue City.

Unang naglabaw ang UV Selection sud sa unang-tulo ka kuwarter pinaagi sa trio nilang Anie Mosqueda, Gio Antigua ug kanhi Letran Knight Dodong Cabahug nga maoy namuntos og maayo.

Apan misumbalik ang Adgers Sportswear, kinsa mihimo’g mainitong rally sa fourth period gamit ang 43-28 nga scoring run nga giduslitan   ni Espina uban nilang Jules Alinsug ug Mico Lucero aron papason ang ilang biya ug midaog pinaagi sa usa ka come-from-behind fashion.

Silang Espina ug Alinsug maoy nangu sa opensa sa Adgers Sportwear sa ilang 16 puntos matag usa, samtang si Lucero midugang og 12 puntos.

Ang UV-Mandaue Selection gipangulohan ni Dong Cabahug, kinsa miburak og 31 puntos.

Ang maong friendly match gipasiugdahan ni Espina, ang presidente sa San Jose Basketball Association sa Maguikay inabagan sa iyang bise presidente nga si Francisco Cartagena.

puntos matag usa

ADGERS SPORTSWEAR (97) - Espina16, Alinsub 16, Lucero 12, Jabines 10, Singson 7, Manatad 6, Marguerra 6,T. Aloro 6, Ibona 6, B. Aloro 6, Capuyan 2, Matas 2, Laguna 2.

UV SELECTION (86) - Cabahug 31, Trillo 17, Mosqueda 14,Antigua 10, Manatad 4, Cortez 4, L. Antigua 2, Apol 2, Leyson 2 (BANAT NEWS)