Bernido, Lee nidominar sa Youthlink Run

CEBU, Philippines - Ang pambato sa Southwestern University (SWU) ug University of Southern Philippines Foundation (USPF) nga sila si Ian Bernido ug Joeyry Lee maoy nidominar sa gipahigayong Youthlink Run niadtong Domingo didto sa Parkmall.

Ang kanhi Milo marathon 21K men’s champion nga si Bernido maoy naghari sa 12K category human niya gitapos ang lumba sa oras nga 44:14, samtang si Lee, kinsa mi-oras og 54:05 maoy kampiyon sa women’s open.

Sila si Bonifacio Monjas (44:16) ug manghod ni Joeyrey nga si Prince Joey Lee (45:12) maoy mi-okupar sa ikaduha ug ikatulo nga dapit sa 12K men's open.

Mikompleto sa top three finishers sa 12K women’s mao sila si Marichu Luterte (55:08) ug Gretchen Batiancila (59:04).

Sa 6K men’s class, si Gabriel Sabate maoy naghari sa maong kategoriya nga mi-oras 22:32 batok ni Jeter Bada sa oras nga 22:41, samtang si Ronnie Andrin maoy milublob sa ikatulong dapit sa oras nga 22:45.

Ang managsuong Lovely Fe (27:58) ug Jhean Andrin (28:02) ug si Lenlie Cardenas (28:57) mao ang top three finishers sa 6K women’s class.

Laing Andrin nga sila si Joe (12:54) ug Cherry (14:04) maoy nanghawod sa 3K run. (BANAT NEWS)