Parks depensa ang pagaganahin sa San Miguel Beermen

MANILA, Philippines - Bagamat may ilang ex-pros na kinu­ha, ang pagkakaroon pa rin ng matibay na depensa ang gustong makita ni seven-time PBA Best Import Bobby Parks sa kanyang San Miguel Beermen para sa 3rd AirAsia ASEAN Basketball League na magbubukas sa Enero 14.

“I’m building this team around defense. We already know that most PBA players can score, so what I’m trying to build this team on is defense,” wika ni Parks kaha­pon sa lingguhang PSA sports forum sa Sha­key’s sa U.N. Avenue, Manila.

Hinugot ng Beermen sina ex-pros Nor­man Gonzales, Jun-Jun Cabatu, RJ Rizada, Eric Rodriguez, Kevin Dela Pe­ña, Marlon Basco, Froilan Baguion, Neil Raneses at Chris Luanzon bukod pa kina collegiate stars Allan Mangahas ng Mapua Cardinals at Jan Colina ng Adamson Falcons.

Ipaparada rin ng Beermen ni Parks sina 6-foot-10 JunMar Fajardo ng University of Cebu, at 6’1 Fil-Italian guard Chris Banchero.

“I’ve got a mixture of veteran and young players. But right now we’re trying to develop the team chemistry. It’s very hard to say how far we can go,” wika ni Parks, ang anak na si Ray Ray Parks, Jr. ay naglalaro sa National University Bulldogs sa UAAP.

Ang Beermen ang ikalawang koponan ng Pilipinas sa ABL matapos ang inaugural champion Philippine Patriots, gagabayan ni Glenn Capacio, nina co-team owners Mikee Romero at Tony Boy Cojuangco.

Dalawang dating PBA imports ang tini­tingnan ng Beermen, ayon naman kay Noli Eala, ang San Miguel Corporation Di­rector of Sports.

Ito ay sina Richard Jetter, kumampan­ya para sa Sta. Lucia noong 2005, at Daw­ron Johnson.

Samantala, tatayong coach ng Kuala Lumpur Dragons ng Malaysia si dating Jose Rizal University Heavy Bombers mentor Ariel Vanguardia kung saan niya magiging player si PBA veteran forward Nick Belasco.