HAU dinomina ang CLASSIC games
MANILA, Philippines - Tinalo ng host school na Colegio de San Sebastian ang DHVTSU (Don Honorio Ventura Technical State University) sa finals, 88-73 sa CLASSIC games.
Ganunpaman, ang naging matagumpay na team ay ang Holy Angel University na komopo ng tatlong titulo matapos dominahin ang volleyball competition (men at women) at maghari sa juniors basketball.
Kampeon naman ang Don Bosco academy sa high school boys table tennis habang ang co-host school na Infant Jesus Academy ang kampeon sa elementary boys division.
Ang iba pang kasaling eskuwelahan ay ang Guagua National Colleges, Systems Plus College, Infant Jesus Integrated School, Pampanga High School, Don Honorio Ventura Technical State University, Mary the Queen College and Assumption Pampanga Club.
Pinangungunahan ni May Sarmiento-Flores ang Committee members bilang chairman kasama sina Philip Liongson, technical chairman; at Aivy Pagcu, finance/secretary general.
- Latest
- Trending
