Beckham nawili sa Pilipinas

Gibutyag ni British football superstar David Beckham sa LA Galaxy nga gusto pa siya mobalik pag-usab dinhi sa nasud human sa ilang exhibition match batok sa Philippine Azkals niadtong miaging gabii didto sa Rizal Memorial Stadium.

Ang Galaxy mibuntog sa Azkals, 6-1 sa maong duwa diin si Beckham maoy labing unang nakapasud sa unang goal.

Sparmate ni Pacquiao daog

Pabiling undefeated ang Mexican-American knockout artist nga si Glen Tapia human niya gipahayang sa round 2 si Mike Ruiz kagahapon didto sa New York.

Si Tapia usa sa mga boksidor sa sikat nga Wild Card Gym ni Freddie Roach diin siya nahimong sparmate ni Pinoy boxing champion Manny Pacquiao.

San Sebastian mopasaka og kaso

Andam na ang kaso nga ipasaka sa mga opisyales sa San Sebastian ngadto ni San Beda coach Frankie Lim ug sa pipila ka sakop sa basketball team niini.

Kini human sa nahitabong rambol atol sa Volleyball game tali sa duha ka koponan nga miresulta sa pagkalandig sa tambalanan ni San Sebastian coach Roger Gorayeb.  

Darchinyan, Agbeko nangapilde

Pulos pakyas ang mga bantamweight contender nga sila si Armenian Vic Darchinyan ug African Joseph Agbeko sa tagsa-tagsa nila ka title fight kagahapon didto sa California.

Si Darchinyan gipukan ni WBA bantamweight king Anselmo Moreno, samtang si Agbeko gipilde pag-usab ni IBF titlist Abner Mares sa ilang rematch.