Beckham, LA Galaxy gustong bumalik sa Pinas
MANILA, Philippines - Matapos ang tatlong araw na pamamalagi, sinabi nina David Beckham, Landon Donovan at ng Major League Soccer Cup champions LA Galaxy na gusto nilang bumalik sa Pilipinas.
Dinomina ng LA Galaxy ang Philippine Azkals, 6-1, sa kanilang friendly match kamakalawa ng gabi sa Rizal Memorial Football Stadium sa Malate, Manila.
Nagpasalamat sina Beckham, Donovan at ang kanilang coach na si Bruce Arena sa magandang pagtanggap sa kanila ng mga Filipino fans.
“I would love to come back. It’s been a great trip,” sabi ni Beckham sa post-match press conference. “When we found out we were coming to the Philippines, it was one of those trips we were excited about.”
Ayon kay Beckham , ilang staff members sa Los Angeles ay mga Filipina.
“She told us all about how beautiful it is (Philippines)... and as soon as we arrived, we knew she was telling the truth,” wika ng kinilalang ‘highest paid football player’ sa buong mundo.
Ang 36-anyos na si Beckham ang unang nagsalpak ng goal sa 20th minute ng laro.
At ilang oras matapos ang laro ay kaagad na bumiyahe ang LA Galaxy patungong Melbourne, Australia para makipaglaro sa Melbourne Victory team.
“We had a really good time,” sabi naman ni Donovan. “The trip to the Philippines has been fantastic. Hopefully one day, we get to come back.”
Ilang minuto matapos namang lumapag sa Australia, nagposte ng kanyang mensahe si Donovan sa Twitter.
“Huge thanks to the Philippine people for making us feel like family. Just got to Australia and miss you already. Kita kits!”
Bumisita ang LA Galaxy sa bansa para sa kanilang 2011 Asia Pacific Tour.
- Latest
- Trending
