CEBU, Philippines - Naka-eskapo ang UTASSCO Utility bitbit ang 84-83 nga kadaugan batok sa Park N' Go Bakeshop sa nagpadayong Power Forty Christmas League didto sa Inayawan Sports Complex.
Si Alex Mercado maoy nangu sa UTASSCO sa iyang 23 puntos, gisundan ni Wilbur Cabrera og 16 puntos aron magpabiling walay pilde sa upat nila ka duwa.
Ang Park N Go gipangulohan ni Mike Arias, kinsa miposa og 29 puntos, samtang si Romy Rama midugang og 16 puntos.
Sa sayo pa, si Fernando Sumargo miburak og 38 puntos aron pangulohan ang Van System paglumbong sa Water Market sa iskor nga 82-68.
Samtang si team owner Vez Eleguin mao sab ang nangulo sa pilderong Water Market pinaagi sa iyang 21 puntos ug si Allan dela Rama miamot og 18 puntos.
PUNTOS MATAG USA
Unang duwa:
Van System (82) - Sumargo 38, Cabaluna 19, Cabatas 11, Dayota 4, Gabuya 4, Samson 4, Labalan 2
Water Market (68) - Eleguin 21, Dela Rama 18, Dumale 8, Ungria 8, Mabalcon 5, Dacalos 4, Flordeliza 4
Ikaduhang duwa:
UTASSCO (84) - Mercado 23, Cabrera 16, Capala 16, Abarquez 8, F. Yosores 8,S. Yosores 6, Tantay 4
Park N Go (83) - Arias 29, Rama 16, Echavez 12, Abasolo 12, Pestaño 9, Filosopo 6, Ozon 5, Albaño 4 (BANAT SPORTS)