CEBU, Philippines - Gisugdan sa University of Southern Philippines Foundation (USPF) ang ilang kampanya sa korona uban ang 1-0 nga kadaugan batok sa University of San Jose-Recoletos (USJ-R) sa under 23 division sa 14th Aboitiz Cup football tournament sa miaging adlaw didto sa Aboitiz Sportsfields sa Subangdaku, Mandaue City.
Ang duha ka koponan mipakita sa ilang lig-ong depensa sa tibuok duwa, apan wala kapugngi ang opensa ni LJ Reyes sa 83rd nga nakapadaog sa USPF.
Ang under-23 category, usa sa labing bag-ong napuno sa labing malungtaron nga football event dinhi sa Sugbu.
Sa men's open division, ang Queen City United-A ug San Roque Arsenal mipukan sa tagsa-tagsa nilang mga kaatbang.
Ang Queen City United-A miblangko sa Don Bosco-Alumni Bin, 6-0, samtang ang San Roquez Arsenal gilisudlisod una sa San Roque Royale United sa wala pa nila makuha ang kulbahinam nga kadaugan, 3-2. (BANAT NEWS)