Mga NSAs mananagot sa sports commission

MANILA, Philippines - Kagaya ng kanyang sinabi bago ang 26th Southeast Asian Games sa Indone­sia, rerepasuhin ni Philippine Sports Com­mission (PSC) chairman Richie Garcia ang performance ng mga National Sports As­sociations.

Ayon kay Garcia, ihihiwalay ng PSC ang mga ‘performing’ NSAs sa mga ‘ non-per­forming’ matapos ang biennial event.

 "We will start to review the performan­ce of the NSAs and classify them under per­forming and non-performing," wika ka­hapon ni Garcia.

Ang mga NSAs na hindi nakakuha ng gintong medalya ay bibigyan lamang ng PSC ng 50% nitong pondo para sa 2012.

Ang mga medal winners naman ay mananatili sa Class A at ang mga na­bigong makasikwat ng medalya ay ba­baba ng ranggo o tuluyan nang aalisin sa national training pool.

Ang komisyon na rin ang magmo-mo­nitor sa atleta ng mga NSAs simula sa susunod na taon.

Noong 2007 SEA Games sa Thailand, tumapos rin ang Team Phl sa sixth pla­ce mula sa naiuwing 41 gold, 91 silver at 96 bronze medals.