Pinoy sluggers inangkin ang gintong medalya

PALEMBANG, Indone ­sia - Nanumbalik ang do­minasyon ng Pilipinas sa SEA Games baseball nang ta­lunin ang host Indonesia, 2-0, sa finals kahapon na nilaro sa Jakabaring Sports Complex dito.

Nakaiskor ang Natio­nals sa bottom sixth mula sa fielding error bago hu­ma­taw si Jonash Ponce ng kan­yang ikalawang single at mapapasok si Fulgencio Ran­ces patungo sa ikalawang run sa pagtatapos ng wa­long inning.

Kinumpleto naman ni Dar­win dela Calzada ang so­lidong pagpukol matapos ba­lewalain ang pag­kakaro­on ng Indonesian run­ners sa first at second ba­ses nang iretiro ang su­mu­nod na tatlong hinarap pa­ra maiwagayway muli ang bandila ng Pilipinas sa re­gional games.

"Una sa lahat ay sala­mat sa Panginoon at sa mga kababayan naming su­muporta at nagdasal sa team. Ang panalong ito ay pa­ra sa ating lahat," wika ni na­tional coach Edgar delos Re­yes.

Bunga nito, naibalik ng bansa ang titulong hawak no­ong 2005 SEA Games.

Natalo ang bansa sa Thai­land noong 2007 at nga­yon lamang nagkaro­on ng pagkakataong bawiin ang korona dahil walang ba­seball na isinagawa sa Laos noong 2009.

Ang koponan ay mun­tik ring hindi ilahok ng mga sports officials pero ang pag­pupumilit ng ibang sta­kes holders ang nagtulak pa­ra ipadala ang grupo ga­­mit ang sariling pondo.

Una nang kumuha ng dalawang ginto ang men's at women's softball teams na binalak ring tanggalin ng Philippine Olympic Committe (POC) sa listahan.