4 gold medals idinagdag

JAKARTA, Indone­sia --- Sa pang walong pagkakataon, muling naghari ang mga Pinoy sa men’s basketball event ng Southeast Asian Games.

Pinayukod ng Sinag Pilipinas ang Thailand, 85-57, para sa pang apat na gintong medalya ng bansa sa 26th SEA Games kagabi.

Mga manlalaro namang na­is patunayan na may ibu­buga pa sila ang siyang umani ng unang tatlong ginto ng bansa.

Binawi ng siklistang si Al­fie Catalan ang isinukong titulo sa Laos nang do­­minahin ang paboritong men's individual pursuit sa track event ng cycling, ha­­bang ang baseball at men's dragon boat teams ang naghatid ng dalawa pang ginto para itulak sa 27 ang gold medal na nakuha ng Nationals papasok sa hu­­ling dalawang araw ng kom­­petisyon.

Isama pa ang 47 silver at 66 bronze medals, ang Pilipinas ay nananatili pa rin sa ikaanim na puwesto at hindi na mahahabol ang Singapore sa ika-limang pu­westo mula sa nahakot na 41 gold 43 silver at 71 bronze medals.

Nag-ambag si bowler Fre­­derick Ong ng silver me­dal sa men’s masters.

Matamis na tagumpay ang naiposte ng 29-anyos, na si Catalan, ang naghari noong 2005 Philippine at 2007 Thailand SEA Games pero nabigo sa asam na makatatlong sunod dahil sa pulitika sa cycling.

Humataw naman ng in­surance run si Jonash Pon­ce na naka-single para ma­kaiskor si Fulgencio Rances, habang ang pit­cher na si Darwin De­la Cal­za­da ang kumuha ng pa­na­lo sa mound.

Nagdomina ang men's dra­­gon boat team sa 500-meter, 20-man event sa 1:53.95 tiyempo para kunin ang gintong medalya.