Apat na national boxers pasok sa finals

PALEMBANG, Indonesia --- Ginawang apat nina Jo­sie Gabuco at Alice Kate Aparri ang mga boksingero ng Pilipinas na umabante sa finals nang talunin nila ang mga kalaban mula sa host In­donesia sa semifinals ng boxing event ng 26th SEA Games kahapon sa Basket Hall Campus dito.

Hindi binigyan ni Gabu­co ng pagkakataon si Ap­riliany Pricilia tungo sa ma­da­ling 20-9 tagumpay at lu­mapit sa isang panalo pa­ra maipagpatuloy ang pag­dodomina sa women’s pinweight division.

Hindi rin nilubayan ni Apar­ri ang nakalabang si Sel­ly Wanimbo para sa 18-8 panalo sa women’s light fly­weight division.

Tatangkain ni Aparri na ma­natiling kampeon sa di­bisyon sa pagharap kay Thet Htar San ng Myanmar sa finals, habang si Trinh Diem Kie ng Vietnam ang ma­kakasagupa ni Gabuco nga­yong hapon

Si Nesthy Petecio na nag-bye ay mag­tatangka sa ikatlong gin­to kontra kay Peamwliai Laopeam sa ban­tamweight di­vision.

 Si Delfin Galvan na nag­-bye rin sa first round at tinalo si Khir Akyazlan ng Malaysia ay lalaban sa finals kontra kay hometown bet Afdan Bachtila sa light welterweight class sa Lunes.

Nagtatangka naman si 2010 Asian Games gold meda­list sa flyweight na si Rey Saludar na makapasok sa finals kontra kay Julio Bria ng host country sa semifinals ngayong araw.