Team PHL naglusot ng 3 ginto

PALEMBANG, Indonesia --- Tinalo ni Iris Ranola si Rubilen Amit sa All-Fili­p­ina finals sa women’s 9-ball event upang pasi­mulan ang tatlong gintong me­dal­ya na kinuha ng Pilipinas pag­­pasok sa kalagitnaan ng kompetisyon sa 26th SEA Games dito kahapon.

Hiniritan ng 7-2 pana­lo ni Ranola ang dating kam­peon na si Amit para wa­kasan ang kampanya sa edisyon tangan ang dalawang gintong medalya.

‘Sinuwerte lang tayo, si­guro talagang kundisyon at ang motibasyon ko na ma­nalo ang nagbigay sa akin ng lakas,’ ani Ranola, naka­tum­bok ng dalawang gold medal sa billiards event.

“Masakit din sa loob ko nang lumamang ako sa 6-1 kasi gusto ko ring ma­kabawi rin siya,” sabi ni Ra­nola kay Amit, ang gold me­dal winner ng 8-ball at 9-ball event noong 2009 La­os SEA Games.

Bago ito ay nasungkit mu­na ni Ranola ang gold me­dal sa 8-ball singles nang hiritan ng 5-1 panalo si Amanda Rahayu ng In­do­­nesia.

Umararo rin ng ginto ang men’s compound team sa archery at si Nancy Quil­lo­tes sa judo para tulungan ang Pilipinas na magkaro­on ng 18 ginto.

Sa pangunguna ni Earl Ben­jamin Yap na nag-uwi ng pilak sa individual event, ang men’s team ay nanaig sa Malaysia, 225-221, para pa­wiin ang bronze medal na pagtatapos ng women’s com­pound team.

Si Quillotes ay na­naig naman kay Terry Kusuna­wa­dan ng In­donesian, 1-0, sa 45kg. di­vision.

Hindi kinaya ng tambalan nina Benjamin Tolentino at Jose Rodriguez na ma­dagdagan ang gintong ibi­nigay ni Nestor Cordova na­ng pumangalawa sa doubles scull event sa Ci­pule Regatta Course sa West Java.

Naorasan ng 6:44.48 si­na Tolentino at Rodriguez at kapos ng mahigit na apat na segundo kina Chaichana Thakum at Ruthtanaphol Theppibal na naglista ng 6:40.18 tiyempo.

Hindi naman umubra si Jul Omar Abdulhakim kay Vo Duy Phuong ng Viet­nam sa finals sa men’s 50-55 kilogram sa pencak silat pa­ra makuntento sa pilak.

Masakit naman ang nangyari kina Jason Balabal at Jimmy Angana na ina­asahang mananalo sa free­style ngunit nakasikwat la­mang ng bronze medal.

Si Balabal, nanalo ng gin­to sa 84kg. sa Greco Ro­man, ay natalo kay Me­thee Tepakam ng Thailand pa­ra maisuko ang hawak na titulo sa 84kg-96kg division.

Si Angana ay talo agad sa kanyang unang dalawang laban pero nakalikom si­ya ng mas maraming pun­­tos upang talunin si Win Hlaing Htwe ng Myanmar pa­ra sa bronze medal sa 66kg-74kg division.

Ang opisyal na nalikom pa lamang ng Pilipinas ha­bang isinusulat ang balitang ito ay 3 gold, 3 silver at 2 bronze me­dals upang magkaroon ng kabuuang 18 gold, 32 silver at 37 bronze medals pa­ra mana­ti­li sa ikaanim na puwesto.

May 98 gold, 70 silver at 73 bronze me­dals ang host Indonesia at malayo na sila sa Vietnam (63-62-62), Thailand (55-53-64), Malaysia (34-26-46) at Singa­pore (30-33-51).