Anthony Barriga nasibak agad sa 2011 SEA Games

PALEMBANG, Indonesia --- Kung mayroong isang bagay na natutunan ang 18-anyos na si Mark An­thony Ba­rriga, ito ay ang huwag babalewalain ang mga ma­nonood lalo na kung ang kanyang kalaban ay mula sa host country.

Lumasap ng mapait na 2-3 kabiguan sa countback ang 2012 London Olympics qualifier na si Barriga kay Denisius Hitarihun ng Indonesia at mamaalam agad matapos lamang ang unang laban sa light flyweight division dito sa Kampus Indoor Basketball hall.

Sa halip na makipagsabayan upang maipakita na siya ang mas agresibo sa loob ng boxing ring, nakuntento si Barriga na pro­tektahan ang kanyang 7-3 kalamangan sa first round sa pagkokober kapag umaatake ang pambato ng Indonesia.