Magkapatid na lifters kumuha ng gintong medalya

DUMAGUETE City, Philippines  – Ang mga apo ng isang da­­ting national athlete ang ku­muha ng gold medals, ha­bang apat ang inangkin ng mga pambato ng Bohol at Cebu City sa Batang Pinoy 2011 Visayas qualifying leg dito.

Nagtala ang magkapatid na sina Elien Rose at Elie Perez Jr. ng Bohol ng mga bagong personal re­cords sa kani-kanilang events.

Binasag ni Elien Rose, anak ni dating national weightlifter Ramon Perez, ang kanyang best record na 35 kilograms para burahin ang luma niyang 45 kgs sa snatch kasunod ang pag­lilista ng bago rin niyang per­sonal best na 58 kgs sa clean and jerk para sa ka­buuang103 kgs.

“Inspirasyon ko po kasi si papa,” sabi ng 13-anyos na si Elien Rose, isang first year student mula sa Dr. Ce­cilio Putong National High School at pamangkin ni Bohol coach at da­ting1988 Seoul Olympian Sa­muel Alegada.

Si Elien Rose ang ku­muha ng gold medal sa na­karaang POC-PSC National Games for Youth 40kg at silver naman sa 2009 National Open.

Ang kanyang 14-anyos na kapatid na si Elie Jr. ang namayani sa 50-kg ca­tegory kung saan niya bi­nura ang dati niyang record na 40 kilos para sa bago ni­yang 50 kilos sa snatch ka­sunod ang pagtatala ng ba­gong marka sa buhat na 65 kilos sa clean and jerk para sa kabuuang 115 kilos.

Ang iba pang mga gold me­dal winners ay sina An­gelika Lara sa girls' 36 kg ca­­tegory; Princess Gale Ti­rol sa girls' 40kg; Marife Ca­tingub, apo ni dating na­tional weightlifting coach Dan­ny Catingub, sa girls' 48kg at Evangelito Dale Ce­niza Jr. sa boys' 42kg na nag­bigay sa Cebu City ng pang apat nitong gintong me­dalya

Ang dalawang gold me­dal ng Bohol ay nagmula ki­na Febie Mea Moral (girls' +48 kg) at Daryl Coto (boys' 46 kg).

Si Neil Josam Aquino ang nag-alay ng ikalawang gin­to ng host Dumaguete sa kanyang panalo sa 56-kg category.

Sa wrestling, walong gin­to ang kinuha ng Duma­gu­ete galing kina Alex John Noble (32-35 kg category), Ro­del Gonzaga (35kg), Spen­cer Flores (38kg), Daryl Victorino (42kg), Darwin Vic­torino (47kg), Kenneth Za­mora (59kg), Khen Mar­ca­dera (60kg) at Angelica Te­­ves sa 39-42 kg class.