ALA fighters moabiba ni Pacquiao

CEBU, Philippines - Isip numero uno nilang idolo sa boksing, ang mga boksidor sa ALA Gym mopakita sa ilang suporta ngadto ni Pinoy boxing champion Manny Pacquiao sa away niini batok ni Juan Manuel Marquez karong adlawa (oras dinhi sa Pilipinas) didto sa MGM Arena sa Las Vegas, Nevada.

Pangulohan kini ni Rey “Boom Boom” Bautista, kinsa moaway alang sa IBF International featherweight title karong Disyembre 15 sa Pinoy Pride X batok sa undefeated Mexican nga si Miguel Mendoza.

Uban ni Bautista nga motan-aw sa "pay-per-view" diha sa Radisson Blu Hotel mao si OPBF flyweight champion Rocky 'Road Warrior' Fuentes, Genesis 'Azukal' Servania, Milan 'El Metodico' Melindo, AJ 'Bazooka' Banal ug two-division world champion Donnie 'Ahas' Nietes.

Anaa usab ang presensiya ni kanhi bantamweight title contender ug karon retired boxer nga si Z 'The Dream' Gorres.

"Highly-ranked boxers from the ALA Boxing Gym will be watching and cheering for the 'Pambansang Kamao,' who greatly inspires them to strive for greatness," matud pa ni ALA Promotions boxing executive Chad Cañares.  (BANAT SPORTS)