MANILA, Philippines - Hahataw ngayon ang National Finals ng 1st Handy Fix Super League National Barangay Championship sa Capitol Parish Gym sa Cebu City.
Haharapin ng Barangay Agdao, ang kinatawan ng Mindanao, ang Brgy. Dumlog ng Talisay ngayong alas-2:30 ng hapon kasunod ang laro ng Brgy. Pajo ng Lapu-Lapu City at Brgy. Bagumbayan ng Taguig City sa alas-4:30.
Ang dalawang koponang mananalo ay mag-aagawan para sa korona bukas, habang ang mga matatalo ay maglalaban para sa third place trophy.
Ang torneo ay inihahandog ng Sapal Elastic Sealant, Max! Bond Super Glue, Max! Masking Tape, Max! Electrical Tape, Metal Guard, Red Brake Fluid, Maxweld, Buildrite Construction Chemicals at Unilab.
Ang national champion ay tatanggap ng P25,000, habang ang 1st runnerup ay bibigyan ng P15,000. Ang 2nd runnerup ay magbubulsa ng P10,000, samantalang ang 3rd runnerup ay makakakuha ng P5,000.