Blackwater, RnW Pipes umiskor

MANILA, Philippines - Nagpasikat ang mga shoo­ters ng Blackwater pa­ra maisulong ang 3-0 re­kord mula sa 92-86 ta­gumpay laban sa Café Fran­ce sa PBA D-League As­pirants’ Cup kahapon sa Ly­ceum Gym.

Gumawa ng 18 puntos si Jeric Fortuna, habang si­na Isiah Ciriacruz at Clark Bau­tista ay may 17 at 16 pun­tos, ayon sa pagkaka­su­nod, para masolong muli ng Elite ang liderato.

Sina Ciriacruz at Bautista ang nagsanib ng puwer­sa sa third period nang iwa­nan ng Elite ang Bakers matapos ang first half.

“Masama ang shooting na­min pero hindi nagpabaya ang mga bata sa bawat pos­session. Key to this win was we stayed in control, “ wi­ka ni coach Leo Isaac.

Angat lamang ng isa ang Elite, 53-52, nang mag­pa­kawala ng mga tres sina Ci­riacruz at Bautista para ma­tapos ang ikatlong yugto na angat ang nasabing ko­ponan ng 73-62.

Lumayo pa sa 92-73 ang Elite may dalawang mi­nuto na lamang sa orasan ba­go lumamya ang depen­sa para mabawasan ang ka­lamangan sa anim.

Sa ikalawang laro, nag­bu­nga naman ang pag-a­ta­ke ni Kevin Racal sa de­pensa ng DUB Unlimi­ted nang maipasok ang go-ahead basket patungo sa 78-77 panalo ng RnW Pacific Pipes.

Inangkin ni Racal ang 10 sa huling 12 puntos ng kanyang koponan para sa kanilang panalo.