Souquet dinalawahan si Orcollo

MANILA, Philippines - Sa ikalawang pagkakataon ay muling natalo si Dennis Orcollo kay Ralf Souquet ng Germany sa idi­naos na Philippine Bigtime Billiards (PBB) Face Off Series noong Sabado ng gabi sa PAGCOR Airport Casino sa Parañaque Ci­ty.

Pinayukod ni Souquet si Or­collo, 9-6, sa race-to-9, 10-ball affair, winner's break for­mat.

Ibinulsa ng German cue artist ang top prize na $5,000, habang tumanggap naman si Orcollo ng $2,500.

Kaagad na kinuha ni Sou­quet ang 5-0 lamang hang­gang makalapit si Or­collo sa 3-6 at 5-7 agwat.

Ngunit inangkin naman ni Souquet ang dalawa sa huling tatlong racks pa­tungo sa kanyang 9-6 ta­gumpay.

"Luck was on my side un­til the end," sabi ng da­ting World 9-ball at 8-ball champion na si Souquet.

Nauna nang tinalo ni Sou­quet ang World no.1 at World 8-Ball king na si Or­collo, 8-5, sa World Pool Mas­ters finals noong Set­yember sa Maynila.

“Malas talaga,” wika ni Or­collo.

Ang susunod na maka­ka­­laban ni Souquet ay si Car­lo Biado sa Nobyembre 12 sa ganap na alas-9 ng gabi.

Nakalinya ring lumaro si­na Ronato Alcano kontra kay Daryl Peach ng Great Bri­tain (Nov.19) at Francis­co ‘Django’ Bustamante laban kay Peach (Nov.26).