UTASSCO gisubha'g daog

CEBU, Philippines - Gisubhan dayon og daog ang defending champion UTASSCO Utility ni Atty. Flor Yosores human nila gilubong ang undermanned FC Fortune, 120-102 sa pagsugod sa tinuig nga Power Forty Christmas League niadtong Martes sa gabii didto sa Inayawan Sports Complex.

Gipangulohan ni Wilbor Cabrera ang kadaugan pinaagi sa iyang 21 puntos.

Si Gogo Fuentes miburak og 27 puntos alang sa FC Fortune, si Dodong Piezas miamot og 21 puntos ug si Nestor Javierto mitampo'g 20 puntos.

Sa laing aksiyon, ang Water Market midaog batok sa Allyn & Sons sa iskor nga 86-80 ug midaog sab ang Park ‘N Go Bakeshop batok sa Van System, 103-90.

Lima ka players sa Water Market ang mirehistro og double figures pinangulohan ni Vez Eleguin, kinsa adunay 15 puntos.

Si Adot Tabar maoy nangu sa Allyn & Sons pinaagi sa iyang 23 puntos.

Sa iyang bahin, si Jingjing Rama miposte og 19 puntos aron pangulohan ang Park N' Go Bakeshop, samtang si Fernando Sumargo mao sab ang nangu sa Van System sa iyang 30 puntos.  (BANAT SPORTS)