Makinang na debut asam ng Gems

MANILA, Philippines - Bubuksan ng bagong bi­his na Cebuana Lhuillier ang kampanya sa PBA D-League Aspirants’ Cup sa pagbangga sa Cobra Energy Drink ngayon sa Tri­nity University Gym sa Quezon City.

Ang laro ay itinakda ganap na alas-2 ng hapon at ang Gems ay balak na sumalo sa pahingang Big Chill at Freego sa ikalawang puwesto sa 1-0 karta.

Magtatangka uli ang Bo­racay Rhum sa kanilang unang tagumpay sa dalawang laro sa pagharap sa Café France sa tampok na laro dakong alas-4.

Mula sa 65-68 kabiguan ang Waves sa kamay ng Blackwater Elite na siyang nagsosolo sa tuktok sa 11 koponang liga tangan ang 2-0 baraha.

Nawalan ng mga key players tulad nina Allein Maliksi at James Sena, malakas pa rin ang puwersa ng Gems dahil nakuha nila sina 6’7” Letran center Raymond Almazan bukod pa sa beteranong si Vic Manuel.