Red Cross Cebu Chapter pasiugda na usab og lumba
CEBU, Philippines - Lahi sa unang duha ka edisyon, mas dakung lumba ang giandam sa Red Cross-Cebu Chapter nga pagauloha'g "Red Cross Million Volunteer Run" karong Disyembre 4 didto sa Sumilon Road sa Cebu Business Park.
Mao sab kini ang unang higayon nga ang Red Cross mohimo og dinungan nga lumba sa uban mga dagkung siyudad lukop nasud.
"This is the first time that the Philippine Red Cross will be doing a simultaneous run, and we here in Cebu will be the one contributing thousand participants to run in the race," matud pa ni Atty. Allan Ouano sa Red Cross-Cebu Chapter atol sa press conference kagahapon didto sa Red Cross-Cebu Chapter office sa Osmeña Boulevard.
Ikatulo na kining higayon alang sa Cebu nga mopahigayon og fund-raising activity, apan labing una sa ubang mga dapit sa nasud sama sa Manila, Quezon, Pasay, Iloilo, Bacolod ug sa Mindanao.
Ang proceeds sa maong lumba gamiton nga pundo sa Red Cross alang sa ilang disaster management program ug pag-train sa mga Red Cross volunteers.
Ang lumba gibahin sa tulo ka kategoriya, 12K, 6K ug 3K.
Ganting salapi ang madawat sa top finishers sa matag kategoriya.
Aduna kini registration fee nga P300 libre na ang singlet.
Mahimong magparehistro didto sa RUNNR sa Ayala Active Zone ug sa Red Cross-Cebu Chapter office. (BANAT SPORTS)
- Latest
- Trending
