2011 Phil-Asia B'building gitakda

CEBU, Philippines - Mga iladong bodybuilders dinhi sa nasud sa Asya ang gipaabot mosalmot sa 2011 Mr. and Ms. Phil-Asia International Bodybuilding Championship karong Oktubre 21 diha sa City Sports Club-Cebu sa Cebu Business Park.

Adunay siyam ka kategoriya ang tigian sa maong kompetisyon ug kini mao ang Masters, Ms. Bikini Model, Mr. Novice, Mr. Athletic, Tall Class, Medium Class, Short Class , Ms. Fitness ug Ms. Figure.

Ganting salapi ug supplement ang madawat sa mga mananaog diin ang mokampiyon sa masters, tall, medium ug short class modaog og P10,000. Ang overall champion sa men’s division modaog og ENSAYO equipments nga balor og P80,000 ug P50,000 nga ganting salapi.

Ang maong kompetisyon gipasiugdahan sa Workout Fitness Center uban sa suporta sa Holiday Plaza Hotel, Lecit-E, Ang Sinangag Station, DYBN 92.3 Killer Bee, Energy FM 94.7, Power FM 89.1, Cebu City Government ug City Sports Club Cebu.

Lain pang mi-sponsor sa kompetisyon mao ang Harolds Hotel, Paradise Garden Boracay, Hagnaya Beach Resort, The Maxell Hotel, Valleyfront Hotel, Nigi Nigi Too Boracay, The Freeman, Jayb Media Production, Nature's Spring Water ug Cebu City Tourism Commission.  - (BANAT NEWS)