MANILA, Philippines - Binalikat nina Jessie Aligaga at Dembert Arcita ang laban sa ginto ng Pilipinas nang hirangin silang kampeon sa sanda sa pagtatapos ng 11th Wushu World Championships noong Biyernes sa Ankara Sports Arena, Ankara, Canada.
Si Aligaga ay nanalo kay Davit Grigoryan ng Armenia sa finals ng 48 kgs., habang si Arcita ay nakaungos kay Tu Hong Hoang ng Vietnam sa tatlong mahigpitang rounds para sa ginto sa 52kgs.
Kinasabikan ang labanan nina Arcita at Hoang dahil nauna silang naghati sa dalawang round ngunit mas tu-mama ang Filipino sanda bet para ibigay sa bansa ang ikalawang gintong medalya.
Ang mga lady sanda artist na sina Marianne Mariano at Mary Jane Estimar ay nakontento na lamang sa bronze medals sa 52kgs at 56kgs nang matalo sa mga Chinese bets na sina Qui Tiao at Liu Ling Ling ayon sa pagkakasunod.
Sina Mark Eddiva (65kgs) at Benjie Rivera (56kgs) ay naghatid ng bronze medals para tumapos ang sanda team na ipinadala ng Wushu Federation Philippines (WFP) taglay ang 2 ginto, 2 pilak at 2 bronze medals at pumangatlo kasunod ng China at Iran.
Si Daniel Parantac ay nanalo ng bronze sa taolo para tulungan din ang koponan na mairehistro ang pinakamagandang pagtatapos kung paglahok ng Pilipinas sa World Championships ang pag-uusapan.