21st Cebu City Olympics buksan na karon
CEBU, Philippines - Maghugop na ang kapin sa 3,000 ka atleta gikan sa mga pribado ug publikong tunghaan dinhi sa Sugbu sa pagsikad sa 21st Cebu City Olympics karong adlawa diha sa Cebu City Sports Center (CCSC).
Gawas sa Abellana National School (ANS), laing 15 ka private schools ang mosalmot sab sa usa ka semana nga kompetisyon. Kini naglakip sa University of the Visayas (UV), University of Southern Philippines Foundation (USPF), University of San Jose- Recoletos (USJ-R), University of San Carlos (USC), University of Cebu (UC), Cebu Institute of Technology-University (CIT-U), Salazar Colleges of Science and Institute of Technology (SCSIT), Sacred Heart School (SHS), Colegio dela Immaculada Concepcion (CIC), Paref-Springdale, St. Theresa’s College (STC), Cebu Cherish School (CCS) ug Cebu Eastern College (CEC).
Mga sporting events nga tigian naglakip sa basketball, baseball, volleyball, football, boxing, arnis, archery, athletics, taekwondo, chess, dancesport, scrabble, sepak takraw, softball, lawn tennis, swimming, badminton, scrabble, gymnastics ug karatedo.
Ang modaog sa matag sporting events maoy morepresentar sa Cebu City sa Central Visayas Regional Athletic Association (CVIRAA) Meet karong Nobiyembre 27 didto sa Bohol. (BANATSPORTS)
- Latest
- Trending
