Patalaan sa VP Binay Grand Prix magtatapos ngayon

MANILA, Philippines - Magtatapos ngayon ang registration para sa VP Binay Grand Prix Badminton Open Championships-PBaRS 4th leg.

Hanggang alas-5 ng hapon na lamang puwedeng tanggapin ang nais na magpatala sa torneo at puwede silang tumawag sa telepono na 725-2568 o 725-4942 o kaya ay gamitin ang website na www.pbars.com.

Ito na ang huling yugto ng apat na leg nationwide circuit na ang layunin ay bigyan ng ratings ang mga pambatong badminton players ng Pilipinas.

Ang torneo ay gagawin mula Oktubre 23 hanggang 29 at ang eliminasyon ay gagawin sa PowerSmash habang ang quarterfinals hanggang finals ay sa Philsports Arena o sa Ynares Sports Arena sa Pasig City.

Paglalabanan sa torneong handog din ng MVP Sports Foundation at Ro­binsons Land Corp at itinatag ni Vice President at Philippine Badminton Association (PBA) president Jejomar Binay, Rep. Albee Benitez at sports patron Manny Pa­ngilinan ang titulo sa Open, Under-19 at Under 15 sa men’s at ladies singles at doubles at mixed doubles.