CEBU, Philippines - Parehong naka-eskapo ang Los Demonyos ug Pañeros batok sa tagsa-tagsa nila ka kaatbang aron moabante sa semifinals sa nagpadayong 7th IBP-2011 Governor’s Cup basketball tournament niadtong Sabado didto sa Capitol Parish gym sa dalan Escario, ning dakbayan.
Sa pasiunang duwa, gipatapsingan sa Los Demonyos ni Bads Del Prado ang Bhutakalz sa iskor nga 75-74, samtang ang Pañeros nga gipangulohan ni Nilo Balorio nakalingkawas sab batok sa Los Eagles, 57-55.
Tungod sa ilang kadaugan, nakompleto na ang semifinalists ang Super Idols ug Pecandela Law Firm.
Sa laing bahin, ang Super Idols midaog batok sa Primos Inter Pares ni kanhi bise-gobernador Enrique Rama sa iskor nga 79-72
Kanunay naglabaw ang Los Demonyos sud sa unang tulo ka kuwarter diin sikit kaayo ang duwa hangtod nga si Richard Bauzon, kansang tirada sa katapusang nuybe segundos maoy naghatag sa ilang kadaugan.
Sila si Bauzon ug Lito Ortiz maoy nangu sa opensa sa Los Demonyos pinaagi sa ilang 18 ug 16 puntos matag usa, samtang mibuak og 25 puntos si Van Ligutan aron pangulohan ang Bhutakalz, samtang si Benjo Santiago midugang og 13 puntos.
Krusyal sab ang kadaugan sa Pañeros batok sa Los Eagles ni Kit Enriquez dihang nakapasulod si Ruel Juban og duha ka undergoal shots sa daginutong oras. Si Juban miposa og 12 puntos aron pangulohan ang Pañeros, gisundan nilang Barry Busi ug Michael Molde nga parehong miamot og 11 puntos.
Sila si Al Lagahit ug Rovelson Velmonte nagkumboya og 27 puntos aron pangulohan ang Eagles.
Sa ikatulong duwa, si Fermin Pepito mi-iskor og 19 puntos alang sa Super Idols, samtang silang Benjo Macion ug Eugene Sumampong nagkumboya og 23 puntos.
Gipangulohan ni Mat Velez ang Primos pinaagi sa iyang 25 puntos, si Marvin Miralles miabuno og 21 puntos ug si Giovanni Sususco midugang og 10 puntos.
Ang semifinals sugdan karong Sabado didto gihapon sa Capitol Parish gym.
Puntos matag usa:
Unang duwa:
DEMONYOS (75) - R. Bauzon 18, Ortiz 16, Pintor 10, Flores 8, Bragat 6, E. Bauzon 6, Riveral 4, Salcedo 3, Del Prado 2, Los Ceniza 2
BHUTAKALZ (74) - Ligutan 25, B. Santiago 13, Verallo 9, Arnaiz 7, Guieb 7, Gealon 7, Ang 6
Ikaduhang duwa:
PAÑEROS (57) - Juban 12, Busi 11, Molde 11, Ruaya 7, Cabilte 7, Aliño 5, Balorio 4
EAGLES (55) - Lagahit 14, Velmonte 13, Remedio 6, Hiyas 6, Pareja 6, Vallecer 6, Abcede 2, Puspus 2.
Ikatulong duwa:
SUPER IDOLS (79) - F. Pepito 19, Macion 13, Sumampong 10, Apolinario 9, Piquero 8, B. Pepito 8, M. Santiago 6, Salubre 2, Ibones 2, Malig-on 2
LOS PRIMOS (72) - M. Velez 25, Miralles 21, Sususco 10, Pascua 6, B. Velez 6, Villegas 2, E. Rama 2 (BANAT)