"Laban ng Lahi" sa Liloan
CEBU, Philippines - Subli na sab nga mahitabo ang eksplosibong boxing event didto sa lungsod sa Liloan dihang ang Rex 'Wakee' Salud (RWS) Promotions mopahigayon og "Laban ng Lahi: The Young Prospects" fight card karong Domingo didto sa Liloan Sports Complex.
Si WBC ranked No. 15 ug Philippine No. 2 super flyweight contender Marlon Tapales maoy mobida sa main event batok ni Martin 'Mobile Martin' Mubiru sa Uganda sa gikatakda nilang 10-round non-title fight.
Ang boksidor gikan sa Lanao Del Norte nga si Tapales, lab-as pa sa iyang fourth round KO win batok ni Thai fighter Yodpichai Sithsaithong masuwayan sa 26-anyos nga si Mubiro, kinsa laraw nga mobawos human sa sikit nga "split decision" nga kapildihan batok ni Danilo Pena sa Japan.
Sa co-main event, ang undefeated Cebuano nga si Marco Demecillo Singwangcha mosuway pagsakmit sa Philippine superflyweight title batok ni Louie Bantigue.
Lakip usab nga moaway si RJ Anoos batok ni Joan de Guia, samtang si Sandoval Singwangcha makigbinukbukay ni Gerry Tumogdan.
Ang winners sa GMA-7 reality boxing show "Buhay Boksingero" nga sila si Jherpaul Valero ug Rajah Renoel Pael makigsangka batok nila ni Allan Doronella ug Rodel Sonquet.
Mokompleto sa undercard mao sila si Redondo Singwangcha batok Honey Boy Vidad, Llanera Singwangcha batok Joel Soterol ug Arnel Caoktoy batok Rex Quimaw. (BANAT)
- Latest
- Trending
