1st PMAP Run gitakda sa Oktubre 23

CEBU, Philippines - Ang Personnel Management Association of the Philippines (PMAP) Cebu Inc. mopahigayon sa labing una nilang running event nga uloha'g "A Run For A Child’s Brighter Future" sa Oktubre 23 didto sa Sumilon Road sa Cebu Business Park.

Bisan adunay kadungan nga duha ka lumba, masaligon ang mga organizers nga makadani gihapon sila og daghang partisipante nga managan sa 12K, 5K ug 3K fun run.

Namugna usab ang lumba isip fund raising event alang sa mga scholars gikan sa Tulay National High School sa Minglanilla ug pagtukod og mga pansayan sa maong tunghaan ug ingon man paghatag og donasyon alang sa Department of Social Welfare Department (DSWD) Home for the Girls.

Ganting salapi ang nagpaabot sa mga top performers sa matag kategoriya. Adunay   raffle alang sa tanang partisipante atol sa awarding ceremony.

Ang registration fee nagkantidad og P350 sa 12K ug P250 sa 5K ug 3K, libre na ang race kits, singlet ug raffle coupon.

Mahimong magparehistro sa Cebu City Sports Center (CCSC), RUNNR sa Ayala Center-Cebu ug Toby’s Sports sa SM City-Cebu.  (BANATSPORTS)