Ricky Roa, sharpshooter ug 5th dan karatista

CEBU, Philippines - Dugay na kaming wala magkita o magkahimamat sa akong ig-agaw nga si Ricky Roa, ang kapikas sa akong suod nga ig-agaw nga si Ramona “Moning” Roa apan kaniadtong Biyernes sa kaadlawon, nagkadungan kami’g pauli didto sa lungsod sa Poro, isla sa Camotes aron moduyog sa pamilyang Loon alang sa lubong sa lain nakong suod nga ig-agaw si Alexon G. Loon kaniadtong Sabado, Septiyembre 24.

Didto sa among pag-abot sa ancestral home sa Garciano-Malagar family sa Poro, nakahigayon ako’g pangutana kabahin sa shooting career ug karate career ni Ricky, kanhi head guard sa Central Bank sa tuig 1977.

Ang pamilyang Roa maoy usa sa labing adunahan didto sa Cagayan de Oro City ug ang yuta nga imong makita sa wala ug tuong bahin padulong sa Lumbia airport gipanag-iya sa iyang apohan nga si Oloy Roa.

Sa pagka karon, kanunay mosalmot og shooting competition si Ricky ug kanunay sab siyang mohakot og championship trophy. Gani matod pa niya didto sa ilang panimalay, imong hidasmagan ang gi-display nga trophy ug medalya tungod sa kadaghan.

Usa ka National Range Officer Level 3 ang ranggo ni Ricky karon sa Philippine Practical Shooting Association (PPSA), ang labing taas nga kategoriya sa mga sharpshooters. Usa sab siya karon ka shooting instructor diin gihimo na kini niyang sideline gawas pa sa iyang regular pension nga madawat gikan sa Central Bank.

Gawas pa niini, usa ka 5th dan karate expert si Ricky nahimong trainer sa 1996 Japan Karate Association (JKA) Philippines sa ilang pagsalmot og torneyo didto sa Osaka, Japan niadtong 1996. Milungtad og 15 ka adlaw ang ilang pagbisita sa Japan atol sa World Shatu Cup nga parehong nagpakita sa abilidad sa mga Pinoy sa kata ug kumite.

Ang kata usa ka karate form nga adunay sagol dance exhibition nga kanunay nato makita sa wushu samtang ang kumite usa ka sparring session. Nahimo sab siyang JKA instructor kaniadto.

Bisan og apike kami sa oras didto sa Poro, nagdali gyud og pauli si Ricky kay aduna kuno siya’y firing kagahapong adlawa. Matod pa niya nga ang pagpunting sa usa ka butang sayon na lang kaayo nilang mga eskpekto hapit sa tanang matang sa armas de fuego apan mas hanas siya sa 45 caliber pistol.

MISCELLANEOUS. As president of the Sports Correspondents and Reporters (SCORE), I congratulate my colleagues for placing second in the Press Freedom Week culminating affair last Saturday and went home richer by P8 thousand. Without props and other backgrounds or supporting cast, we sportscribers can SCORE. We promise we will win the first prize next year as we will prepare early as a group to prove that we are not the only one who is scoring but everybody and that is called teamwork.The 17th Press Freedom Week was a huge success to all members of the tri-media. Let’s also wish good luck to the leadership of the Cebu Federation of Beat Journalists (CFBJ) under Elias O. Baquero and all other affiliates. (BANAT SPORT)