AJY Bong mimakmak sa Royale Asia
CEBU, Philippines - Midaog sab ang AJY Bong ni team owner Allan Yu pinaagi sa paglubong sa Royale Asia, 60-47 sa LLBA Rollway Customs Brokerage didto sa Villas Magallanes gym, Lapu-Lapu City.
Tulo ka players ang miposte og double figures alang sa AJY Bong, kinsa nagbitbit na karon og balanseng baraha nga adunay lima ka daog ug lima sab ang pilde.
Naggukod ang AJY Bong sa unang tulo ka kuwarter ug diha na kini mipahungaw sa ilang kainit sa fourth quarter pinaagi sa paglusad og 22-9 run aron maangkon ang kadaugan.
Si Takyo Taghoy maoy nangu sa AJY Bong pinaagi sa iyang 23 puntos, gisundan ni Tepait sa iyang 12 puntos ug Sumalinog nga adunay 10 puntos. Ang team owner nga si Allan Yu miamot og singko puntos.
Ang pilderong Royale Asia ni team owner Philip Lorena, gipangulohan sab ni Paulo Villamor, kinsa miburak og 19 puntos.
Ang torneyo gipaluyohan sab ni Rollway dela Pieza ug sa JB Sportswear ni Billy Nadado. (BANATSPORTS)
- Latest
- Trending
