Mayweather Jr. gidudahan nayabag

CEBU, Philippines - Tungod sa mga gipangbuhat ug mga isyu karon ni Floyd Mayweather Jr., wala malikayi ni Top Rank Inc. big boss Bob Arum nga makahuna-huna nga hapit na kini mayabag.

Nagkanayon si Arum nga ang nagtipun-og nga kaso sa korte, panagbangi sa kaugalingong amahan ug mga pagbugal-bugal niini ngadto sa kaugalingong boxing promoter maisip niya nga timailhan nga hapit na mayabag si Mayweather.

"I guess when you are dealing with Mayweather, you have to stop asking rational questions because maybe we are not dealing with a rational guy anymore," matud pa ni Arum sa Yahoo! Sports.

Ang legendary promoter nga si Arum misaysay nga kaniadtong siya pa ang promoter ni Mayweather, wala niya makita ang kangil-ad sa batasan ug kasalbahis nga gipakita ni Mayweather karon.

Wa’g tuo ang giatubang nga kaso ni Mayweather lakip na ang kaso nga pagpamun-og sa kanhi niya kapuyo.

Nabaniog usab ang grabeng away nila sa iyang amahan nga si Floyd Sr. nga iyang gi-insulto atubangan sa camera ug labing uwahi ang iyang pagbugal-bugal ni Oscar Dela Hoya, kinsa gitawag niya'g bading.

Karong Domingo, si Mayweather moilog sa WBC welterweight title ni Victor Ortiz   sa Las Vegas. (BANAT NEWS)