CEBU, Philippines - Si Andres Paul Desiderio misansan og 25 puntos, samtang si Nelson Peralta miariya og 14 puntos alang sa University of the Visayas (UV) Baby Lancers nga mitumba sa Cebu Eastern College (CEC) Dragons, 75-69 sa 11th Cebu Schools Athletic Foundation Inc. (CESAFI) basketball event kagabii diha sa Cebu Coliseum.
Si Desiderio maoy miduslit sa rally sa Baby Lancers sa second half, apan ang tulo ka sunod-sunod nga triples sa third ug fourth periods ni Peralta nga nakahatag kanila og tres puntos nga bentaha, 53-50.
Mitira og laing tres si Peralta sa sayong bahin sa fourth period aron inaton ang labaw, 56-50 ug ang ikatulo niyang triple sa iskor nga 66-57 nga maoy kinadak-ang labaw nga ilang nahimo sa nahabiling 6:46.
Ang duha ka charities ni Jino Berdin maoy naghatag og kasiguroan sa kadaugan sa Baby Lancers, kinsa nagbitbit og 9-1 nga baraha.
Si James Neil Sumayang miposa og 29 puntos alang sa pilderong Dragons. (BANAT NEWS)