Pacquiao gihagit ni Gamboa

CEBU, Philippines - Wa damha nga kalit lang gihagit ni featherweight king Yuriorkis Gamboa ang world pound-for-pound king nga si Manny Pacquiao alang sa usa ka sangka sa welterweight division.

Gisangyaw sa Cuban ang maisugon niyang hagit batok ni Pacquiao human siya gideklarar nga mananaug pinaagi sa eight round technical knockout batok sa Mexican knockout artist nga si Daniel Ponce de Leon kagahapon didto sa Atlantic City .

Si Gamboa kinsa wa pay pilde sud sa 21 ka away, 16 niini gikan sa knockout yano kaayong midismatol ni De Leon aron depensaan ang iyang WBA ug IBF titles.

Ang 29-anyos nga kanhi Cuban Olympic gold medalist nga si Solis nagtuo nga anaa kaniya ang abilidad nga sunod ikasangka ni WBO welterweight king Manny Pacquiao ug salig siya nga makahatag og nindot nga away batok sa Pinoy boxing superstar.

Apan ang pamahayag ni Solis nakapaisa sa kilay sa pipila ka mga boxing analyst kinsa nagtuo nga hilaw pa kaayo kini aron makigsangka ni Pacquiao.

Inay si Pacquiao, mas gusto sa mga suheto sa boxing nga sangkaon ni Solis ang No.3 world pound-for-pound fighter nga si Nonito “The Filipino” Flash Donaire Jr. - LPM gikan sa boxingscene.com (BANAT NEWS)