Tabal, Ting hawod sa DSOS Run

CEBU, Philippines -  Nakahilak sa kalipay ang teen running sensation nga si Mary Joy Tabal human siya koronahi isip reyna sa women's 15K sa 2011 Don Sergio Osmeña Sr. (DSOS) Memorial Run kagahapon didto sa Cebu City Sports Center (CCSC).

Si Tabal nidaog sa lumba uban sa iyang personal best time nga 58 minutos ug 17.83 segundos. Si Mary Grace delos Santos mipahiluna sa ikaduha nga mi-oras og 59:48.40, gisundan ni Jhane Mansueto sa oras nga 1:5:17.70.

Ang Kenyan nga si Stanley Ting maoy naghari sa men's division sa oras nga 50:00.81, samtang si Mendel Lopez mi-okupar sa ikaduha sa oras nga 50:13.27. Laing Kenyan nga si Abraham Missos nalandig sa ikatulo   nga mi-oras og 50:16.97.

Midominar sa 7K run mao sila si Jordan Bacong (23:18.11) ug Christy Sevilleno-Tutor (28:18.09), samtang sila si Elbert Banzon, Alex Loloy ug Paulino Obra maoy naghari sa Master’s A, B ug C. (BANAT NEWS)