Binuang sa PBA dunay kamatuoran?

CEBU, Philippines - Gisegundahan ni PBA Board vice chairman JB Baylon sa Powerade ang pasangil ni Alaska franchise owner Wilfred Uytengsu Jr. kabahin sa mga binuang nga nahitabo sa PBA.

Nasayran nga usa ka rebelasyon ang gibutyag ni Uytengsu diin gibulgar niya ang wa pagsunod sa ubang koponan sa salary cap rule sa PBA maong napayrit ang mga players sa Alaska .

“Somewhere down the road, if we see the foundation of the PBA to crumble beyond repair and where graft and corruption becomes the norm, I think that may be the time that we have to look elsewhere because I don’t think that the PBA is a viable medium of entertainment,” segun pa ni Uytengsu.

Ubos sa salary cap rule sa PBA, ang usa ka koponan gilimitahan lang nga mugasto og P36 milyon nga suholan sa ilang mga players matag tuig, apan pipila niini ang wa musunod og milapas pa sa maong salary cap.

Si Baylon namahayag nga tinuod ang pasangil sa tag-iya sa Alaska, apan lisud nga mapamatud-an kini ug masilotan ang mga nakasala.

“It won’t be proven unless the players or agents admit they’re being paid over the pay cap. But who will admit,” matud pa ni Baylon.  - LPM gikan sa Philstar