SWU midemolis sa CIT-U

CEBU, Philippines - Gilubong sa Southwestern University (SWU) Cobras ang Cebu Institute of Technology-University (CIT-U) Wildcats, 94-67 aron tapuson ang unang hugna sa eliminasyon bitbit ang 3-3 nga baraha sa 11th Cebu Schools Athletic Foundation, Inc. (CESAFI) men’s basketball diha sa Cebu Coliseum.

Sa sayo pa, daling nakabawi ang University of the Visayas (UV) Baby Lancers gikan sa ilang pilde sa miaging adlaw batok sa Sacred Heart School- Ateneo de Cebu (SHS-AdC) Magis Eagles pinaagi sa pag-ihaw sa CIT-U Wildkittens sa iskor nga 85-57.

Ang Cobras mipahiluna sa ikalimang puwesto sunod sa University of Cebu (UC) Webmasters (6-0), UV Green Lancers (4-2), University of San Carlos (USC) Warriors (4-2) ug sa University of Southern Philippines Foundation (USPF) Panthers (3-3). Ang University of San Jose-Recoletos (USJ-R) Jaguars adunay 1-5 nga baraha, ug ang CIT-U Wildcats maoy nangiwit sa ilang 0-6 nga baraha.

Pagsugod pa lang sa second quarter, nahibaw-an na nga modaog ang Cobras tungod sa ilang makabungog nga labaw.

Napapas makadiyot ang kalaay dihang mi-dunk si 6-foot-6   Justin Aboude.

Si Rene Pacquiao maoy nangu sa Cobras sa iyang 19 puntos, gisundan siya ni Eleazar Armecin nga adunay 18 puntos, si Joseph Nalos adunay 14 puntos, samang sila si Aboude ug Monbert Arong miamot og 12 puntos matag usa.

Si Chester Curso maoy nangu sa Wildcats sa iyang 21 puntos, gisundan ni Alan Dimco nga adunay 12 puntos, samtang sila si Floyd Taboada ug John Michael Graf parehong mihungit og 10 puntos.

Sa laing bahin, si Jino Berdin maoy nangu sa 6-1 UV Baby Lancers pinaagi sa iyang 12 puntos, samtang si Jeraldvin Delima mao sab nangu sa pilderong Wildkittens sa iyang 14 puntos.  (BANATSPORTS)