Tabal, Duenas nanghawod sa Bohol
CEBU, Philippines - Miguwang kampiyon sila si Mary Joy Tabal ug Philip Duenas sa Southwestern University (SWU) sa 2nd Bohol-Sandugo Panglao half-marathon sa miaging adlaw didto sa Panglao, Bohol.
Ang No.1 female runner sa Sugbu nga si Tabal mitapos sa 21K run sud sa usa ka oras ug 26 minutos batok sa pambato sa University of Southern Philippines Foundation (USPF) nga si Joeyry Lee ug Lheslen Abella nga mipahiluna sa mosunod nga duha ka dapit.
Sa iyang bahin, si Duenas midominar sa men’s class sa oras nga 1:12.51 batok sa running coach nga si Sherwin Managuil, kinsa miangkon sa ikaduhang dapit, samtang laing SWU runner nga si Ian Bernido mipuwesto sa ikatulo.
Gawas sa mga Sugbuanong runners, midagsa usab ang Cebu-based running clubs sama sa Striders Running Club, Ungo Runners, Lasang Runners ug Kikay Runners. (BANATSPORTS)
- Latest
- Trending
