Quiot nidominar sa Dancesport competition

CEBU, Philippines - Gidominar sa Quiot ang sixth leg sa Cebu City Barangayan Dancesport Competition pinaagi sa paghakot og lima ka golds, usa ka silver ug usa sab ka bronze didto sa Cogon-Pardo Sports Complex.

Ang Quiot mikabkab og tulo ka bulawan, usa silver ug usa ka bronze sa modern standard ug duha gikan sa Latin discipline.

Ang gold nga nakuha sa Quiot gikan sa modern standard kortesiya nilang Maria Daniza ug Dennis Michael Arenas pinaagi sa junior closed bronze event, Marie Lou Obiso ug Nelson Sanchez sa youth closed bronze ug open routine.

Nikubkob sab og laing duha ka bulawan si Arenas uban sa laing kaabay nga si Jela Claire Almeda sa Latin youth closed event ug open routine.

Sikit nga nagsunod ang Zapatera nga adunay tulo ka golds ug tulo sab ka silvers, samtang ang Mambaling nahimutang sa ikatulo nga mihakot og tulo ka bulawan, usa ka silver ug upat ka bronzes.

Lain pang mga partisipanteng barangay nga naka-gold ning uwahing edisyon sa dancesport competition mao ang San Nicolas nga adunay usa ka gold, duha ka silvers ug usa ka bronze, Lahug ug Inayawan nga parehong adunay tag-usa ka silver ug tagtulo ka bronzes ug Cogon nga adunay usa ka silver.  - BANAT NEWS