Donaire nangandam na alang sa iyang title defense batok Narvaez

CEBU, Philippines - Bisan og dili pa kompirmado, nakita ni Nonito 'The Filipino Flash' Donaire Jr. nga ang undefeated Argentinian nga si Omar Narvaez mao na ang iyang ikasangka karong Oktubre 22 didto sa California.

Human nakadawat og impormasyon, daling giputol ni Donaire ang iyang bakasyon dinhi sa nasud ug molarga sa Estados Unidos aron sugdan ang iyang training batok sa WBO super flyweight king nga si Narvaez.

Gumikan niini, ang No. 3 world pound-for-pound king nga si Donaire nagplano nga pakusgan ang iyang training didto sa Undisputed Gym uban sa iyang trainer nga si Robert Garcia.

Sa pagka karon, gipadala na sa Top Rank Inc. ang fight proposal ngadto sa kampo ni Narvaez ug maghulat na lang sila sa kompirmasyon ni Narvaez kun moharong ba siya ni Donaire, kinsa modepensa sa iyang WBC ug WBO bantamweight titles. (BANAT SPORTS)