Ultra marathon sa Lapu-Lapu andam na

CEBU, Philippines -  Andam na ang tanan alang sa laing ultra marathon dinhi sa Sugbu karong Septiyembre 10 didto sa Be Hotel.

Gipasiugdahan sa Frontrunner Magazine, ang lumba og "Run Hard, Party Harder" gimugna alang sa mga beginners ug magsilbe usab nga preparasyon sa mga ultramarathoners sa mas dakung lumba, ang Cebu Century Challenge nga gitakda karong Nobiyembre 19. Usa kini ka 100 kilometer race nga manukad sa Bogo City padulhog dinhi sa Cebu City.

Sa dili pa ang maong lumba, masuwayan una ang mga hardcore runners sa Septiyembre sa ilang paglibot sa rota nga moagi sa Cordova, Consolacion, Lilo-an ug Mandaue. 

Sa pagka karon may 60 na ka mga runners ang nagpalista lakip na ang mga out-of-town runners gikan sa Manila, Davao ug Cagayan de Oro.

Ang registration   nagkantidad og P900 libre na ang singlet, snacks ug Rogin-e vitamins. Mahimong magparehistro didto sa RUNNR sa Ayala Center-Cebu.

Kadto lang partisipante nga nag-edad og20-anyos pataas ang dawaton sa lumba.  (BANATSPORTS)