CEBU, Philippines - Kinakusgan nga mga koponan Convergys Wolves ug Teletech Titans Cebu miposte og daog sa elimination round sa Powerade E-League basketball tournament diha sa City Sports Club-Cebu gym sa Cebu Business Park.
Hinuon, dili sama'g pamaagi ang duha ka koponan pag-angkon sa ilang kadaugan kay ang Convergys miagi pa sa mata sa dagum sa wala pa nila pildiha
ang laing lig-on nga
Lexmark Stallions sa iskor nga 68-62.
Sikit kaayo ang aksiyon pagsugod nga miresulta sa panagtabla paghuman sa first period, 18-all.
Ang Convergys nga nakabentaha og tres puntos sa halftime, 36-33 milusad og 20-13 nga rally sa third quarter aron inaton ang labaw.
Mihulga ang Lexmark pag-ilog sa momentum,
apan pakyas kini gumikan
kay ang Convergys wala motugot nga mahanaw ang ilang gipangandoy nga kadaugan.
Si Ronald Mabanto ang topscorer sa Convergys sa iyang 21 puntos, samtang ang Lexmark gipangulohan ni Franco Cipriano pinaagi sa iyang 17 puntos, gisundan ni Seigfred Ofonda nga adunay 13 puntos.
Sa laing bahin, ang Teletech yano kaayo mikulit og daog pinaagi sa paglubong sa Kyocera Frontiers, 64-45 aron magpabiling walay pilde sa maong torneyo.
Gipangulohan ang kadaugan ni Sherwin Emmanuel Resilla, kinsa milansang og 15 puntos, samtang sila si Sherwin Anghay ug Japeth Banua mitikdol og otso puntos matag usa. (FREEMAN)