Pasikatay sa summit amateur fight series

CEBU, Philippines - Magpasikat ang bag-ong sulbong nga boksidor sa laing edisyon sa 2011 Summit Natural Drinking Water’s Amateur Fight Series’ karong gabii didto sa Gaisano Country Mall carpark.

Mga boksidor nga mopakita og aksiyon sa labing unang higayon ibabaw sa ring mao si Marvin Lulu sa Sultan Kudarat batok ni Victor Sito sa Philippine Australian Boxing Club (PABC).

Laing PABC boxer nga si Mikee Durano Makigsinukliay og kumo batok ni Raul Yu sa Cabancalan.

Magpatagad usab sa ALA Promotions ang taga-Bukidnon nga si Rolando Lingao-lingao ug Jing Aguan sa Tagbilaran City. Si Lingao-lingao makigsinukmagay ni Mardy Muaña, samtang si Aguan makigsangka ni John Rey Melligen.

Tulo usab ka mga Negrense nga sila si Jimboy Mayang, Juren Labordo ug JP Atieda ang makigsangka batok nila ni Ferde San Roque, Ritchie Montealto ug Ryan Catagulla.

Mokompleto sa fight card mao ang sangka ni Polid Banal batok JK Malupay, Bryan Remedio batok Edu Rosal, Cherwellan Cantel batok Jonathan Francisco, Christian Bacolod batok Wendel Acharon ug Richard Barrios batok Kevin Jake Cataraja. (FREEMAN)