CEBU, Philippines - Ang TETADA (Therapy through Internal Energy) Kalimasada sa Indonesia mipadayag sa ilang interes nga mo-host sa ikalimang edisyon sa Doce Pares World Championship and Congress sunod tuig.
Ang Kalimasada Grandmaster nga si Eddy Surohadi ug International Trainer ug Doctor Ibu Ida Surohadi ang mitanyag niini atol sa 4th Doce Pares World Congress kagahapon didto sa SM City-Cebu.
Bag-o lang gidawat ang Tetada Kalimasada isip bag-ong kapamilya sa Doce Pares.
Matud pa nilang GM Surohadi ug Dr. Ida nga makakuha sila og dakung suporta gikan sa Indonesian government pagdala sa international martial arts event didto sa Jakarta.
Sa laing bahin, 22 ka mga nasud ang magtigi sa 4th Doce Pares World International Tournament Sparring Competition karong adlawa diha sa SM City Trade Hall gikan sa alas-10 sa buntag hangtod sa alas-7 sa gabii. (BANAT NEWS)