CEBU, Philippines - Mopakita na sab og aksiyon ang Cebuano cycling sensation nga si Luis 'IgiMax' Maximo sa 4th Kia Ironlegs Cycling Race karong weekend.
Ang 16-anyos nga si Maximo nga gisuportahan sa YKK Bikes mohimo sa iyang debut race sa executive ug veteran divisions.
Ang presidente sa Paref-Springdale student council nga si Maximo makigtigi uban sa mga seasoned cyclists sa three-stage race nga may gilay-on nga 123km libot sa tibuok Bohol.
Gawas ni Igimax, mosalmot sab ang laing 20 ka mga Sugbuanon ug kini naglakip sa The Freeman sports columnist nga si Dr. JV Araneta, Sankx Ontanillas, Jong Sepulveda, Paul John So, Jonathan ug Bong Simbajon, Tyre Lambo, Ceasar Salazar, Jasper Navara, Jeofrey Flores, Jun Omero, Raldy Vios, Kiko Lim, Miguel Flores, James Demafeliz, Mike Mancio,Ben Fabroa, Brett Harrington,Tats Codina ug Israel Alonso.
Ang Stage 1 usa ka individual time trial nga adunay distansiya nga 15 kilometros, samtang ang second stage mao ang road race gikan sa Tagbilaran ngadto sa Carmen nga may gilay-ong 55 km.
Ugma mao ang 54 km. race nga manukad sa Tagbilaran subay sa Baclayon, Alburquerque, Loay ug Loboc. (BANAT NEWS)